AZƏRBAYCAN NEFTİNİN İLK PARTİYASI YAPONİYAYA ÇATDI
AZƏRBAYCAN NEFTİNİN İLK PARTİYASI YAPONİYAYA ÇATDI
ÖLKƏDƏ GÜNDƏLİK İSTEHLAK HƏCMİ 3 MİLYON BARELDİR
Azərbaycan neftinin ilk partiyasını daşıyan tanker Yaponiyaya çatıb.Belə ki,
Yaxın Şərqdəki eskalasiya və Hörmüz boğazının bloklanması fonunda Yaponiyanın ENEOS şirkəti Azərbaycandan 283 min barel neft alıb.Yaponiya mediası xəbər verir ki, hökumət ABŞ və Rusiyadan idxal da daxil olmaqla, Hörmüz boğazından keçməyən alternativ neft tədarükü mənbələrinin təmin edilməsi istiqamətində səylərini fəallaşdırıb, çünki satınalma mənbələrinin şaxələndirilməsi getdikcə daha mühüm prioritetə çevrilir.Məlumata görə, bu, Yaxın Şərqdəki münaqişənin başlanmasından bəri Yaponiyaya tədarük edilən Azərbaycan neftinin ilk partiyasıdır. İndiyədək, Hörmüz boğazının bağlanmasına qədər Yaponiya neft emalı zavodları üçün əsas xammal Yaxın Şərq nefti olub.Yaponiyada neftin gündəlik istehlak həcmi təxminən 3 milyon barel təşkil edir.
