AZƏRBAYCAN TÜRKİYƏNİN İKİNCİ ƏN BÖYÜK QAZ TƏCHİZATÇISI OLDU

May 16, 2026

AZƏRBAYCAN TÜRKİYƏNİN İKİNCİ ƏN BÖYÜK QAZ TƏCHİZATÇISI OLDU
MART AYININ GÖSTƏRİCİLƏRİ AÇIQLANDI

Azərbaycan 2026-cı ilin mart ayında Türkiyəyə qaz ixracına görə ikinci yerdə qərarlaşıb. Bu barədə Türkiyənin Enerji Bazarlarının Tənzimlənməsi İdarəsi məlumat verib.Hesabat dövründəTürkiyə Azərbaycandan 983 milyon kubmetrdən çox təbii qaz alıb. Bu göstərici 2025-ci ilin eyni ayı ilə müqayisədə 5,8 faiz azalıb.
Sözügedən dövrdə Türkiyənin ən böyük qaz təchizatçısı isə Rusiya olub. Rusiya Türkiyəyə 2,55 milyard kubmetr qaz ixrac edib və bu, 2025-ci illə müqayisədə42,48 faiz çoxdur. ABŞ isə Türkiyəyə təxminən 977 milyon kubmetr qaz ixrac edib.Halbuki 2025-ci ilin müvafiq dövründə bu göstərici 1,556 milyard kubmetr idi. Ümumilikdə, Türkiyənin təbii qaz idxalı əvvəlki illə müqayisədə bir qədər azalıb.