AZƏRBAYCANDA HALAL TURİZM BAŞLAYIR
NƏ YENİLİKLƏR OLACAQ?
Azərbaycanın Antiinhisar və İstehlak Bazarına Nəzarət Dövlət Agentliyinin tabeliyindəki Azərbaycan Standartlaşdırma İnstitutu yeni bir standart qəbul edib. Bu standartın adı “Halal turizm xidmətləri. Ümumi tələblər”dir.Sözügedən standart halal turizm sahəsində fəaliyyət göstərən yerlər üçün nəzərdə tutulub və otellər,digər yerləşmə yerləri,tur paketləri,turist bələdçiləri,halal turizmə aid digər xidmətləri əhatə edir.Standart halal turizm obyektlərində təqdim olunan məhsul və xidmətlərin necə idarə olunacağını müəyyən edir. Məqsəd turizm müəssisələrinin halal xidmətləri düzgün idarə etməsini təmin etmək,islam qaydalarına uyğun məhsul və xidmət təqdim etmək,müştərilərin tələblərini qarşılamaq və məmnuniyyəti artırmaqdır.Qeyd edək ki, bu standart “Turizm və əlaqədar xidmətlər” üzrə ixtisaslaşmış texniki komitə tərəfindən hazırlanıb və AZSTAND tərəfindən təsdiq edilib.
