AZƏRBAYCANIN ENERJİ SEKTORUNDA NAİLİYYƏT
AZƏRBAYCANIN ENERJİ SEKTORUNDA NAİLİYYƏT
“YAŞIL ENERJİ” TARİXİNDƏ İLK KARBON KREDİTLƏRİNİ ALDIQ
Laçındakı “Mirik” və “Qaraqışlaq” kiçik su elektrik stansiyalarını əhatə edən Hidro-3 layihəsi beynəlxalq karbon bazarına daxil olub. Unikal xəbər verir ki, layihə dünyanın aparıcı karbon sertifikatlaşdırma qurumlarından biri olan Gold Standard tərəfindən qeydiyyata alınıb və ilk karbon kreditləri təqdim olunub. Bununla da, Hidro-3 layihəsi Azərbaycan tarixində bərpa olunan enerji mənbələri üzrə əldə edilən ilk beynəlxalq karbon kreditləridir. Ümumi həcmi 10 745 karbon vahidi olan bu kreditlər istixana qazı emissiyalarının azalmasına töhfə verir. Qeyd edək ki, bu nailiyyət “SOCAR Trading” və “AzərEnerji” ASC-nin əməkdaşlığı çərçivəsində baş tutub .
