BAKIDA BİOENERJİ İLƏ MÜALİCƏ EDƏN”HƏKİM” SAXLANILDI

BAKIDA BİOENERJİ İLƏ MÜALİCƏ EDƏN”HƏKİM” SAXLANILDI
“BİONURUN SAHİBİ” XƏSTƏLƏRİ 60 MANATA QƏBUL EDİB

Bakıda “Bİ ES VİP” estetik klinikasında izdihama səbəb olan özbək “həkim” polis əməkdaşları tərəfindən saxlanılıb. Məlumatı DİN təsdiq edib. Qeyd edək ki, klinikada xəstələri əl enerjisi ilə müalicə etdiyi deyilən özbək əsilli, “Bionurun sahibi” kimi tanınan İqbol Soliyev adlı “həkim”in qəbulu keçirilib.
Ekstrasens olduğu deyilən şəxs bioenerji və ya enerji terapiyası etdiyini bildirib. Bir xəstəni 60 manata müalicə edən İqbol Soliyevin qəbuluna çox sayda xəstənin gəldiyi deyilir.
Klinikdan verilən məlumata görə, İqbol Soliyev sözügedən tibb müəssisəsinin əməkdaşı deyil. O, ikigünlük qəbul keçirib və bundan sonra klinikadan ayrılıb.
Məlumata görə, İqbol Soliyev vətəni Özbəkistanda xalq təbabəti ilə bağlı qanunvericliyi pozduğuna görə 15 sutka həbs edilib.