BORCUNU ÖDƏMƏYƏNLƏRLƏ BAĞLI YENİ QAYDA
İCRA MƏMURLARININ SƏLAHİYYƏTLƏRİ GENİŞLƏNDİRİLİR
İcra məmurlarının hüquqları genişləndiriləcək.Trend xəbər verir ki, bu, Milli Məclisin Hüquq siyasəti və dövlət quruculuğu komitəsinin iclasında müzakirə olunan “Dövlət icra məmurları haqqında” Qanunda dəyişiklik edilməsi barədə qanun layihəsində öz əksini tapıb.Hazırda qüvvədə olan qanuna görə, icra məmuru tələbi borclunun hesabında olan pul vəsaitlərinə və digər qiymətli əşyalarına, banklarda və ya digər kredit təşkilatlarındakı əmanətlərə yönəldə, borclunun yerinin, əmlakının, uşağının olduğu yerin müəyyən edilməsi üçün qanunla nəzərdə tutulmuş qaydada tədbirlər görə bilər.
Təklif olunan dəyişikliklər isə bu səlahiyyətləri daha da genişləndirir.Belə ki, icra məmurları artıq yalnız banklardakı deyil, həm də elektron pul hesablarında və digər maliyyə təşkilatlarında saxlanılan vəsaitlərə müdaxilə edə bilər.
