“BÜLLETEN”LƏRLƏ BAĞLI YENİLİK
ARTIQ ELEKTRON XƏSTƏLİK VƏRƏQƏSİNƏ ƏSASƏN VERİLƏCƏK
Azərbaycanda əmək qabiliyyətinin müvəqqəti itirilməsinə görə müavinətlərin verilməsi qaydalarında köklü dəyişikliklər qüvvəyə minib.Oxu. az xəbər verir ki, yeni qaydalara əsasən, bu proses tamamilə rəqəmsallaşdırılaraq kağız daşıyıcılardan imtina edilib.Bundan sonra tibb müəssisələri tərəfindən tərtib edilən xəstəlik vərəqələri birbaşa Əmək və Əhalinin Sosial Müdafiəsi Nazirliyinin Mərkəzləşdirilmiş elektron informasiya sisteminə ötürüləcək. Vətəndaşların bu müavinəti almaq hüququ qazanması üçün ən azı 6 ay sosial sığorta stajının olması mütləq şərtdir. Müavinət işçinin xəstələndiyi ilk gündən tam sağalanadək, lakin bir ildən çox olmayan müddət üçün ödəniləcək. Xəstəlik müddətinin ilk 14 təqvim günü üçün müavinət birbaşa işəgötürənin vəsaiti hesabına ödənilir. Əgər xəstəlik 14 gündən çox davam edərsə, yerdə qalan günlərin ödənişi dövlət büdcəsi tərəfindən qarşılanacaq.Fasiləsiz davam edən xəstəlik halları -bir neçə bülleten ardıcıl verilərsə vahid hal kimi qiymətləndirilir və işəgötürən 14 günlük ödənişi yalnız bir dəfə edir. Lakin xəstəliklər arasında kəsilmə olarsa, hər dəfə ilk 14 gün işəgötürənin öhdəliyində qalır. Müavinətin məbləği işçinin stajından asılı olmayaraq, ümumi qazancın 100 faizi miqdarında müəyyən edilib. Hesablama üçün şəxsin xəstələnmə ayından əvvəlki son 4 rüb ərzində ödənilmiş sosial sığorta haqları əsas götürülür.Bununla belə, ödənişlərdə qoyulub. Müavinətin aylıq məbləği minimum pensiyanın 25 mislindən artıq ola bilməz. Məbləğ işçinin aylıq vəzifə maaşının iki qatından çox ola bilməz.
