DÖRD İL SONRA YENİ HESABAT
UKRAYNANIN BƏRPASI 588 MİLYARD DOLLARA BAŞA GƏLƏCƏK
Rusiyanın Ukraynaya qarşı başlatdığı işğaldan dörd il sonra ölkənin bərpasının dəyəri ilə bağlı yeni hesabat açıqlanıb. Sənədə əsasən, növbəti on il ərzində Ukraynanın yenidən qurulması təxminən 588 milyard dollara başa gələcək. Hesabat Kiyev hakimiyyəti, Dünya Bankı, Avropa İttifaqı və BMT tərəfindən birgə hazırlanıb. Qeyd olunub ki, bu məbləğ 2025-ci il üçün Ukraynanın ümumi daxili məhsulunun təxminən üç qatına bərabərdir. Ən böyük maliyyə ehtiyacları nəqliyyat sektoruna, enerji sahəsinə, mənzil fonduna, ticarət və sənayeyə və kənd təsərrüfatına aiddir. Döyüşlərin intensiv getdiyi Donetsk və Xarkov bölgələrində bərpa işləri xüsusilə genişmiqyaslı olacaq. Paytaxt Kiyev üçün bərpa xərcləri 12 milyard avrodan çox qiymətləndirilir.
