DÖVLƏT VƏSAİTLƏRİNİN XƏRCLƏNMƏSİNDƏ MALİYYƏ POZUNTULARI
BÜDCƏDƏ 170 MİLYON MANATDAN ÇOX ZƏRƏR AŞKARLANIB
Azərbaycan Respublikası Hesablama Palatası 2025-ci il üzrə hesabatını açıqlayıb və yoxlamalar zamanı maliyyə pozuntuları aşkar edildiyi bildirilib. Yoxlamalara Dövlət Neft Fondu, İcbari Tibbi Sığorta Fondu, Naxçıvan Muxtar Respublikasının büdcəsi və qeyri-büdcə vəsaitləri də daxil edilib. Bu zaman gəlir və xərclərin proqnozlaşdırılması, hesablanması, icrası və digər öhdəliklərin yerinə yetirilməsi uyğunluq, maliyyə və səmərəlilik elementləri aspektindən qiymətləndirilib. Uyğunluq pozuntuları 584,8 milyon manat , maliyyə təhrifləri 626,3 milyon manat,səmərəsiz xərclər isə 342,9 milyon manat olub. Uyğunluq pozuntularından 170,4 milyon manat büdcəyə zərər kimi hesablanıb. Bunun 101,5 milyon manatı geri qaytarılıb,40,2 milyon manat üzrə materiallar hüquq-mühafizə orqanlarına göndərilib, 28,7 milyon manat isə sosial ödənişlər olduğu üçün sadəcə dayandırılıb,geri tələb olunmayıb.
