Aqrar sektorda yeni dövr: Kənd təsərrüfatı torpaqlarının birləşdirilməsi üçün qaydalar hazırlanır

Kənd təsərrüfatı təyinatlı torpaqların birləşdirilməsi və konsolidasiyası ilə bağlı yeni qayda hazırlanacaq. Bu, Prezident İlham Əliyevin tətbiqi barədə Fərman imzaladığı Torpaq Məcəlləsinə edilən dəyişiklikdə əksini tapıb. Fərmana əsasən, Nazirlər Kabineti kənd təsərrüfatı təyinatlı torpaqların konsolidasiyası qaydasını altı ay müddətində müəyyən edib Azərbaycan Prezidentinə məlumat verməlidir.Prezident İlham Əliyevin digər fərmanına əsasən isə Nazirlər Kabineti daşınmaz əmlakın dövlət kadastr sənədlərinin məzmununa dair təkliflərini hazırlayıb altı ay müddətində Prezidentə təqdim edəcək.