Mark Zukerberq tarixi qala satın aldı: Milyarderin yeni mülkünün qiyməti açıqlandı

“Meta” şirkətinin rəhbəri Mark Zukerberq və həyat yoldaşı Priscilla Chan İrlandiyanın Uoterford bölgəsində yerləşən XIX əsrə aid Strancally qalasını satın alıblar.178 hektarlıq ərazidə yerləşən qalanın dəyərinin 20-30 milyon avro olduğu bildirilir. Əməliyyat açıq bazardan kənarda həyata keçirildiyi üçün Zukerberqin əmlak üçün ödədiyi dəqiq məbləğ açıqlanmayıb.Təxminən 1830-cu ildə inşa edilən qala Blackwater çayına baxan ərazidə yerləşir və əvvəllər geniş şəkildə bərpa olunub.Zukerberqin sözçüsü bildirib ki, ailə tarixi əmlakın qorunub saxlanılmasını davam etdirməkdən və İrlandiyada vaxt keçirməkdən məmnundur. Meta-nın İrlandiyada beynəlxalq qərargahı yerləşir.