RUSİYA QAZAXISTAN NEFTİNİN TRANZİTİNİ DAYANDIRIR

RUSİYA QAZAXISTAN NEFTİNİN TRANZİTİNİ DAYANDIRIR DAŞIMALARDA AZƏRBAYCAN ÖN PLANA KEÇİR?

Almaniyada 2026-cı ilin mayın 1-dən etibarən Rusiya vasitəsilə Qazaxıstan neftinin tranzitinin dayandırılacağı təsdiqlənib.Almaniyanın İqtisadiyyat Nazirliyi qeyd edib ki, Qazaxıstan neftinin tədarükünün dayandırılması ölkə üçün ciddi risk yaratmayacaq. Bununla belə, Almaniyanın Şvedt şəhərində yerləşən neft emalı zavodu fəaliyyətini daha aşağı güclə davam etdirməli olacaq.Qeyd edək ki, sözügedən zavod Berlin və Almaniyanın şimal-şərq bölgəsini dizel yanacağı, benzin, kerosin və mazutla təmin edir.Qazaxıstanın energetika naziri Erlan Akkenjenov da may ayında Almaniyaya neft tədarükünün olmayacağını təsdiqləyib.

Nazir əlavə edib ki, bunun səbəbi, böyük ehtimalla, son dövrlərdə Rusiya infrastrukturuna endirilən zərbələrlə bağlıdır.Xatırladaq ki, Almaniya Ukraynadakı müharibədən sonra Rusiya neftindən imtina etdikdən sonra Qazaxıstan bu ölkə üçün əsas tədarükçülərdən birinə çevrilib. Qeyd edək ki,Qazaxıstan neftinin Azərbaycan üzərindən daşınması da aktiv şəkildə həyata keçirilir və tranzit həcmləri artıq milyonlarla tonla ölçülür.