İRANIN KRİPTO BAZARINDA SİLKƏLƏNMƏ

İRANIN KRİPTO BAZARINDA SİLKƏLƏNMƏ
MİLYONLARLA DOLLAR ÖLKƏ BİRJALARINDAN ÇIXARILIB

ABŞ və İsrailin fevralın 28-də İrana endirdiyi zərbələrdən sonra ölkədə fəaliyyət göstərən kriptobirjalardan vəsait çıxarılması kəskin artıb. Məlumata görə 28 fevral – 2 mart tarixlərində İran kriptobirjalarından təxminən 10,3 milyon dollar dəyərində kriptoaktiv çıxarılıb. Bəzi saatlarda çıxarış həcmi 2 milyon dollara yaxınlaşıb və bu göstərici 2026-cı ilin orta səviyyəsindən 873% yüksək olub. Araşdırmaya görə çıxarılan vəsaitlərin təxminən 60%-i şəxsi kriptocüzdanlara köçürülüb, 27%-dən çoxu xarici kriptobirjalara göndərilib. Analitiklər qeyd edir ki, ABŞ sanksiyalarına görə iranlı istifadəçilər qlobal platformalara məhdud çıxışa malikdir. Buna görə də ölkədə yerli birjalar formalaşıb və istifadəçilər əsasən onlardan istifadə edir.Məlumata görə, İranın ən böyük kriptobirjası Nobitex hesab olunur. Qlobal platformalar – Binance və Coinbase isə sanksiyalar səbəbindən iranlı istifadəçilərə rəsmi xidmət göstərmir.