İRAQDAKI İRAN TƏRƏFDARLARINDAN AÇIQLAMA
“ABŞ BAZALARINA HÜCUMA BAŞLAYACAĞIQ”
İraqda İran tərəfdarı olan silahlı birləşmələrin bazasına hücum edilib.
Yerli medianın xəbərinə görə “Kataib Hizbullah”ın 47-ci briqadasının yerləşdiyi obyektə hücum olunub. İddialara görə, zərbələr nəticəsində azı iki nəfər həlak olub, beş nəfər isə müxtəlif dərəcəli xəsarətlər alıb.
“Kataib Hizbullah” qruplaşması bu hücuma cavab olaraq ABŞ bazalarına hücum edəcəyini elan edib. “Tezliklə ABŞ bazalarına hücumlara başlayacağıq”, deyə silahlı qruplaşma xəbərdarlıq edib.
Qeyd edək ki, “Kataib Hizbullah” İranın dəstəklədiyi silahlı qruplaşmadır.
