“İŞLƏMİRƏMSƏ, NİYƏ PUL ÖDƏMƏLİYƏM?”TİBBİ SIĞORTAYA 16 MANAT ÖDƏNİLMƏSİNƏ AYDINLIQ GƏTİRİLDİ
Son günlər ən çox müzakirə olunan məsələ – işsiz və qeyri-formal çalışanların ayda 16 manat icbari tibbi sığorta haqqı ödəməsi ilə bağlıdır. Təklif edilirdi ki,
qeyri-formal işləyən şəxslər müvafiq icra hakimiyyəti tərəfindən müəyyən olunan məbləğdə sığorta haqqı ödəsin, vaxtında ödənişi etməyənlərə isə əlavə olaraq 10 faiz cərimə tətbiq olunsun. Bir çox insanı “İşləmirəmsə, niyə pul ödəməliyəm?” sualı düşündürürdü. Müzakirələ son qoyan Milli Məclisin komitə sədri Musa Quliyev bildirib ki, bu qayda məcburi deyil. Amma ödəniş etməyən vətəndaşlar icbari tibbi sığorta xidmətlərindən yararlana bilməyəcəklər. Həmçinin vurğulanıb ki, dəyişiklik əmək müqaviləsi olmadan gəlir əldə edən, kənd təsərrüfatında çalışan, lakin VÖEN-i olmayan və fəaliyyətini rəsmiləşdirməyən şəxsləri əhatə edir. İşsiz kimi dövlət qeydiyyatında olan vətəndaşların icbari tibbi sığorta haqları əvvəldə olduğu kimi dövlət tərəfindən qarşılanacaq.
