MƏRKƏZİ BANKDAN AÇIQLAMA
BAYRAM GÜNLƏRİNDƏ BANKLAR VƏ “AZƏRPOÇT” İŞLƏYƏCƏK?
20-30 mart qeyri-iş günlərində ölkədəki bankların filial və şöbələri, eləcə də “Azərpoçt” MMC-nin şöbələri və valyuta mübadiləsi məntəqələri fəaliyyət göstərəcəklər. Azərbaycan Mərkəzi Bankının məlumatına görə, bayram günlərində ölkəmizdə səfərdə olan turistlərin və ölkə vətəndaşlarının valyuta mübadiləsi xidmətlərinə davamlı çıxış imkanlarının təmin edilməsi məqsədilə ümumilikdə 18 bankın 180 satış nöqtəsi , “Azərpoçt”un 68 şöbəsi, valyuta mübadiləsinə lisenziya alan 9 valyuta mübadiləsi məntəqəsi müştərilərə xidmət göstərəcək.
