NAZİRLİK FERMERLƏRƏ XƏBƏRDARLIQ ETDİQADAĞANI POZANLAR 6 MİN MANATA KİMİ CƏRİMƏ OLUNACAQLAR
Taxıl sahələrinin biçindən sonra yandırılması yolverilməzdir. Kənd Təsərrüfatı Nazirliyi bununla bağlı fermerlərə müraciəti edib. Bildirib ki, bu addım həm ekoloji, həm də aqrotexniki baxımdan olduqca zərərlidir. Bitki qalıqlarının yandırılması zərərvericilərə qarşı effektiv vasitə deyil. Çünki dənli bitkilərin əksər zərərvericiləri yanğın zamanı torpağın dərin qatlarında gizlənə bilsələr də, faydalı həşəratlar yanaraq tələf olur. Üstəlik məhsulu biçilmiş əkin sahələrinin yandırılması “Torpaqların münbitliyi haqqında” qanunun 9-cu maddəsinə əsasən qəti qadağandır. İnzibati Xətalar Məcəlləsinə əsasən bu qaydanı pozan fiziki şəxslər 400-600 manat, vəzifəli şəxslər 1500-2000 manata, hüquqi şəxslər isə 5-6 min manata qədər cərimə oluna bilərlər
