NEFT FONDUNUN AKTİVLƏRİ 74 MİLYARD DOLLARA YAXINLAŞIB

NEFT FONDUNUN AKTİVLƏRİ 74 MİLYARD DOLLARA YAXINLAŞIB
GƏLİRLƏRDƏ 741 MİLYON 100 MİN MANAT AZALMA QEYDƏ ALINIB

Azərbaycan Dövlət Neft Fondunun aktivləri 2026-cı ilin əvvəlinə 73 milyard 541 milyon 500 min ABŞ dolları, yəni 125 milyard 20 milyon 500 min manat, martın 31-nə isə 73 milyard 515 milyon 900 min ABŞ dolları, yəni 124 milyard 976 milyon 900 min manat təşkil edib. 2026-cı ilin ilk 3 ayınd fondun ümumi gəlirləri 3 milyard 180 milyon manat, neft-qaz gəlirləri isə 1 milyard 803 milyon 100 min manat olub. Fondun vəsaitlərinin idarə edilməsindən əldə olunan ümumi gəlir 1 milyard 376 milyon 800 min manat təşkil edib, o cümlədən qızıl qiymətinin dəyişməsindən və valyutalar üzrə məzənnə fərqindən yaranan büdcədənkənar gəlirlər 2 milyard 117 milyon 900 min manat olub. Eyni zamanda, investisiya portfelinin bazar dəyərinin dəyişməsi fonunda investisiya gəlirləri üzrə 741 milyon 100 min manat azalma qeydə alınıb. Büdcə xərcləri isə 3 milyard 223 milyon 500 min manat təşkil edib. Onu da qeyd edək ki, Dövlət Neft Fondu 2026-cı ilin I rübündə 22,1 ton qızıl satıb və qızıl ehtiyatları 178,1 tona kimi azaldılıb.