ÖZƏL KLİNİKANIN FƏALİYYƏTİ DAYANDIRILA BİLƏR
HÜQUQ-MÜHAFİZƏ ORQANLARINA MÜRACİƏT EDİLDİ
Səhiyyə Nazirliyinin Analitik Ekspertiza Mərkəzi “NNS KLİNİKA” ya məxsus özəl tibb müəssisəsində plandankənar yoxlama keçirib. Bu barədə Marja-ya Səhiyyə Nazirliyi Analitik Ekspertiza Mərkəzindən bildirilib. Qeyd edilib ki, xidməti yoxlama zamanı lisenziya olmadan tibb fəaliyyəti və qeydiyyatsız dərman vasitəsindən istifadə faktı aşkar edilib və hüquqi şəxs inzibati xəta haqqında protokol tərtib edilib və aidiyyəti üzrə növbəti icraata göndərilib.
Həmçinin klinikanın fəaliyyətinin dayandırılması üçün hüquq-mühafizə orqanlarına müraciət olunub.Bundan başqa, işçilərin vəzifələrinin ixtisaslarına uyğun olub-olmamasını yoxlamaq üçün Dövlət Əmək Müfəttişliyi Xidmətinə də rəsmi müraciət edilib.
