400 MİNLİK LOMBARD QALMAQALI
400 MİNLİK LOMBARD QALMAQALI GİROV GÖTÜRDÜYÜ QIZILLARI SAHİBLƏRİNƏ QAYTARMADI
Sabunçu rayonunda lombard fəaliyyəti ilə məşğul olan 32 yaşlı Türkanə Ağayeva külli miqdarda mənimsəmə və dələduzluqda təqsirli bilinərək həbs edilib. İstintaqla müəyyən olunub ki, o, Bakıxanov qəsəbəsində fəaliyyəti dövründə 17 nəfərin etibarından sui-istifadə edib Marja.azın məlumatına görə, Ağayeva lombard krediti adı ilə girov götürdüyü qızıl-zinət əşyalarını borclar tam ödənildikdən sonra sahiblərinə qaytarmayıb. Bundan başqa, lombard və bank hərraclarından qızılları ucuz alıb baha satmaq vədi ilə müxtəlif şəxslərdən nağd pul və bank kartları vasitəsilə vəsait və qızıl əşyalar ələ keçirib.Onun zərərçəkmişlərə vurduğu ümumi ziyanın 400 min manata yaxın olduğu bildirilir. Bakı Ağır Cinayətlər Məhkəməsinin hökmü ilə Türkanə Ağayeva 5 il 8 ay azadlıqdan məhrum edilib və məhkəmə zalında həbs olunub.
