Ötən rüb ərzində saxta domenlərin sayı artıb

Cari ilin yanvar-oktyabr aylarında Xüsusi Rabitə və İnformasiya Təhlükəsizliyi Dövlət Xidməti 679 milyon 430 min zərərli keçid bloklayıb. Mərkəzi antivirus sistemi ilə 3,8 milyon, “Sandbox” mühafizə sistemi ilə isə 185 min zərərli sənəd zərərsizləşdirilib.

Bu barədə Xüsusi Rabitə və İnformasiya Təhlükəsizliyi Dövlət Xidməti məlumat yayıb.

Bununla yanaşı kiberkəşfiyyat imkanlarından istifadə etməklə III-cü rüb ərzində dövlət qurumları domenlərinə (gov.az) bənzədilmiş 53, ümumilikdə cari ilin doqquz ayı ərzində isə 77 saxta domen aşkarlanaraq bloklanması həyata keçirilib.