Sumqayıt və Sarayda 549 Yeni Mənzil Kirayə Mexanizmi ilə Təqdim Edilir

İpoteka və Kredit Zəmanət Fondu satmaq öhdəliyi ilə kirayə mexanizmi çərçivəsində Sumqayıt şəhərində və Abşeron rayonunun Saray qəsəbəsində vətəndaşlara daha 549 tam təmirli mənzil təqdim edir.

Fonddan AZƏRTAC-a verilən məlumata görə:

• Sumqayıt şəhəri, Bulvar küçəsi: Burada yerləşən yaşayış kompleksi üzrə 201 mənzil təklif olunur. Mənzillər əsasən 2, 3 və 4 otaqlı olub, aylıq ödənişlər 546 manatdan başlayır.
• Saray qəsəbəsi, Məhəmməd Əsədov küçəsi: Bu kompleksdə isə 1 və 2 otaqlı 348 mənzil təqdim edilir. Aylıq ödənişlər 448 manatdan başlayır.

Yeni mənzillər 3 dekabr 2024-cü il tarixindən etibarən “Elektron ipoteka və kredit zəmanət” sistemi üzərindən seçim üçün əlçatan olacaq. Vətəndaşlar mənzillərin siyahısını bu keçid vasitəsilə nəzərdən keçirə bilərlər.

Ətraflı məlumatı Fondun internet səhifəsi (www.mcgf.gov.az), rəsmi Youtube kanalı (@ipotekavekreditzemanetfondu) və ya “1549” Çağrı Mərkəzi vasitəsilə əldə etmək mümkündür.

Qeyd: İndiyədək satmaq öhdəliyi ilə kirayə mexanizmi çərçivəsində 5581 kirayə müqaviləsi bağlanıb.