“SAMSUNG”DA TARİXİN ƏN BÖYÜK TƏTİL TƏHLÜKƏSİ
45 MİN İŞÇİ NƏYƏ ETİRAZ EDİR?
Cənubi Koreyanın texnologiya nəhəngi Samsung həmkarlar ittifaqı ilə maaş və bonuslarla bağlı yaranan ciddi mübahisəni həll etmək üçün kritik danışıqlara başlayıb.Marja.az xəbər verir ki,
razılaşma əldə olunmasa, 45 mindən çox əməkdaşın 21 maydan etibarən 18 günlük tətilə çıxması gündəmdədir. Bu isə şirkət tarixində ən genişmiqyaslı iş dayandırma aksiyası ola bilər.Eyni zamanda, Cənubi Koreya məhkəməsi Samsung-un müraciətini qismən təmin edərək tətilin istehsala ciddi təsir etməməsi üçün müəyyən məhdudiyyətlər qoyub. Qərara əsasən, istehsal prosesində istifadə olunan materialların qorunması və təhlükəsizlik işlərinin davam etdirilməsi tələb olunur. Qaydaların pozulması halında həmkarlar ittifaqlarına və rəhbərlərinə gündəlik cərimələr tətbiq edilə bilər.
Samsung-un səhmləri məhkəmə qərarından sonra artım göstərib və bu, bazarlarda müsbət reaksiya kimi qiymətləndirilib.
Bununla belə, hökumət rəsmiləri tətilin ölkə iqtisadiyyatına, xüsusilə də yarımkeçirici və süni intellekt təchizat zəncirinə ciddi zərbə vura biləcəyi barədə xəbərdarlıq edirlər.
