MƏBLƏĞ 2 MİLYON MANATI KEÇDİ
SABİQ NAZİRİN DÖVLƏTƏ VERGİ BORCU VAR
Sabiq əmək və əhalinin sosial müdafiəsi naziri Füzuli Ələkbərova məxsus “Improtex Group”a daxil olan “İmprotex Industries” MMC-nin dövlət büdcəsinə böyük məbləğdə vergi borcu var.İqtisadiyyat.az-ın məlumatına görə, kommersiya qurumlarının dövlət reyestrində qeyd olunub ki, şirkətin İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsinə 2 milyon 223 min manatdn çox vergi borcu mövcuddur.“İmprotex Industries” MMC 2010-cu ildə dövlət qeydiyyatına alınıb. Şirkətin qanuni təmsilçisi Ruslan Ələkbərovdur. O, sabiq nazir Füzuli Ələkbərovun qardaşı oğludur. 2013-cü ildən etibarən şirkət metal konstruksiyalar, yük maşınları üçün üst qurğular və kənd təsərrüfatı qoşquları istehsal edən zavodunu fəaliyyətə başlayıb.Qeyd edək ki, “Improtex” qrupu 1991-ci ildə yaradılıb. Füzuli Ələkbərov nazir olduğu dövrdə holdinqə onun həyat yoldaşı İradə Ələkbərova rəhbərlik edib.Hazırda “Improtex Group” “Rolls Royce”, “BMW”, “MAN Truck & Bus” və digər tanınmış dünya brendləri ilə əməkdaşlıq edir.
