MÜCTƏBA XAMENEİ YARALANIB?
ALİ RƏHBƏRİN EFİRLƏRDƏ GÖRÜNMƏMƏSİ SUALLAR DOĞURUR
İranın Ali Rəhbəri Müctəba Xameneinin müharibənin ilk günündə ayağından xəsarət aldığı barədə məlumat yayılıb. “The New York Times” qəzetinin verdiyi bu xəbər, ölkə liderinin hərbi əməliyyatların başladığı vaxtdan bəri niyə ictimaiyyət qarşısına çıxmadığına aydınlıq gətirə bilər. Hazırda Xameneinin hansı şəraitdə yaralandığı və xəsarətinin nə dərəcədə ağır olduğu barədə rəsmi məlumat yoxdur. Tehran rəsmiləri bu iddiaları hələlik şərh etməsələr də, Ali Rəhbərin uzun müddətdir efirlərdə görünməməsi ölkə daxilində və xaricində müxtəlif şayiələrin yaranmasına səbəb olub. Analitiklər bu vəziyyətin İranın idarəetmə sistemində müəyyən qeyri-müəyyənlik yarada biləcəyini bildirirlər.
