PENSİYA ÖDƏNİŞLƏRİ 10 FAİZ ARTIB
DÖRD AYDA 2,6 MİLYARD MANAT YÖNƏLDİLİB
2026-cı ilin yanvar-aprel aylarında pensiya ödənişlərinə 2025-ci ilin müvafiq dövrünə nisbətən 10 faiz çox olmaqla, 2 milyard 608 milyon manat vəsait yönəldilib.Bu barədə Əmək və Əhalinin Sosial Müdafiəsi Nazirliyi məlumat yayıb.Bildirilib ki, 2026-cı ilin əvvəlindən pensiyalar 9.3 faiz indeksləşdirilərək artırılıb və 1 may 2026-cı il tarixə pensiyaların ortaaylıq məbləği ötən ilin müvafiq dövrünə nisbətən 10 faiz artaraq 594 manata, o cümlədən yaşa görə ortaaylıq pensiyanın məbləği 632 manata çatıb.Qeyd olunub ki, yanvar-aprel ayları ərzində 15 min, elektron pensiya təyinatına başlandığı 2019-cu ilin əvvəlindən isə 193 min pensiya təyinatı e-sistem üzərindən proaktiv qaydada həyata keçirilib.
