TREYDERLƏR APRELİN 6-SINI GÖZLƏYİRLƏR

TREYDERLƏR APRELİN 6-SINI GÖZLƏYİRLƏR
HÖRMÜZ GƏRGİNLİYİ NEFTİN 200 DOLLARA QALXMA RİSKİNİ ARTIRIR

Səudiyyə Ərəbistanı Hörmüz boğazı bağlandığı üçün neft ixracında alternativ marşruta – Şərq-Qərb boru kəmərinə keçib və Qırmızı dənizdəki Yanub limanına çıxışı təmin edib.Hazırda bu kəmərlə gündəlik 5 milyon barel neft daşınır, onun 3 milyonu dünya bazarına çıxarılır. Bu, neftin 200 dollara qədər kəskin artmasının qarşısını müvəqqəti alıb.ABŞ Prezidenti Donald Trampın İranı hədələyərək Hörmüz boğazını açmaq üçün ona verdiyi vaxtı aprelin 6-sına kimi uzatsa da dünya enerji bazarında qiymətlər sabitləşmədi. İranın Hörmüz boğazını açmayacağı təqdirdə ABŞ ölkənin enerji sistemini dağıdacağını bəyan edib. Lakin bu bəyanat da İranı çəkindirməyib, bu da dünya bazarında neftin qiymətinin artma tendensiyasının davam etməsinə səbəb oldu.Analitiklər hesab edir ki , Yaxın Şərqdəki müharibə iyun ayına kimi davam edərsə və Hörmüz boğazı gəmilər üçün təhlükəli keçid olaraq qalarsa neftin 1 barelinin qiyməti 200 dollara çatacaq. Hərbi əməliyyatlardan əvvəl Hörmüz boğazından dünya bazarına 15 milyon barel xam neft və 5 milyon ton neft məhsulları ixrac edilirdi. Hazırda bu ixrac dayanıb və dünyanın heç bir regionunda bu həcmdə neft və neft məhsulları hasil və istehsal edib dünya bazarına çıxarıb onun tələbatını ödəmək və qiymətləri aşağı salmaq potensialı yoxdur. Bu gün neft treyderləri səbirsizliklə ABŞ-nin İrana verdiyi vaxtın bitməsini – aprelin 6-sını gözləyirlər.