BAKIDA İLK TRAMVAY XƏTTİNİN ÇƏKİLƏCƏYİ İSTİQAMƏT BİLİNDİ
“BAKI METROPOLİTENİ”NİN SƏDRİ DETALLARI AÇIQLADI
Hazırda tramvayın konseptual planı hazırlanır. İlkin olaraq Mehdiabad ərazisindən Bakı şəhərinin mərkəzinə alternativ bir neçə variant müzakirə olunaraq tramvayın çəkilməsi planlaşdırılır. Bunu “Bakı Metropoliteni” QSC-nin sədri Vüsal Aslanov “Trend”informasiya agentliyi və “Azad Azərbaycan” Müstəqil Teleradio Kompaniyasına müsahibəsində deyib.
Onun sözlərinə görə, 2025-2030-cu il dövlət proqramında tramvay haqqında xüsusi maddələr qeyd olunub.
Bakıda gələcəkdə beş fərqli istiqamət üzrə tramvay olması planlaşdırılır. İlkin perspektivdə əhalinin sıx məskunlaşdığı və kütləvi ictimai nəqliyyat həllinə çıxışı olmayan ərazilərə tramvayın çəkilməsi nəzərdə tutulur. Məqsəd odur ki, tramvay metronu və avtobusu əvəzləməsin, əksinə, onları birləşdirən vasitə olsun”.
