SƏNAYE ZONALARINDA İSTEHSALIN HƏCMİ ARTIB

SƏNAYE ZONALARINDA İSTEHSALIN HƏCMİ ARTIB
İNVESTORLAR 10 İL MÜDDƏTİNƏ VERGİDƏN AZAD OLUNURLAR

2026-cı ilin birinci rübü ərzində İqtisadi Zonaların İnkişafı Agentliyinin idarəçiliyində olan sənaye zonalarında istehsalın həcmi 2025-ci ilin eyni dövrü ilə müqayisədə 12,2 faiz artıb.
Belə ki, İqtisadiyyat Nazirliyinin tabeliyində İqtisadi Zonaların İnkişafı Agentliyinin idarəçiliyində olan sənaye zonalarının rezidentləri tərəfindən 2026-cı ilin birinci rübündə 883 milyon manat dəyərində məhsul istehsal edilib. Bu 2025-ci ilin müvafiq dövrü ilə müqayisədə 12,2 faiz çoxdur.
Qeyd edək ki,sənaye zonalarında rezidentlər üçün əlverişli biznes və investisiya mühiti yaradılıb. İnvestorların fəaliyyətinin təşviqi məqsədilə sənaye parklarının rezidentləri qeydiyyata alındıqları tarixdən etibarən 10 il müddətinə əmlak, torpaq və mənfəət vergilərindən azad edilir, həmçinin istehsal məqsədilə idxal olunan texnika, texnoloji avadanlıqlar və qurğulara 10 il müddətinə ƏDV və gömrük rüsumları üzrə azadolmalar tətbiq olunur.