PREZİDENT İLHAM ƏLİYEV DONALD TRAMPI YUBİLEYİ MÜNASİBƏTİLƏ TƏBRİK EDİB
“TRIPP-İ REGİONDA DAYANIQLI SÜLHÜN İNKİŞAFINA NÖVBƏTİ TÖHFƏ OLARAQ GÖRÜRÜK”
Prezident İlham Əliyev ABŞ Prezidenti Donald Trampa 80 illik yubileyi münasibətilə təbrik məktubu ünvanlayıb. Bu barədə Prezidentin “X” sosial şəbəkəsindəki hesabında paylaşım edilib. Təbrik məktubunda dövlət başçısı qeyd edib ki, Azərbaycan ilə ABŞ arasında strateji tərəfdaşlığın təşəkkülündə və dərin- ləşməsində Prezident Donald Trampın əvəzsiz xidmətləri var. 2025-ci ilin avqustunda Ağ Evdə tarixi görüş zamanı əsası qoyulmuş Strateji Tərəfdaşlıq Xartiyasının 6 ay sonra ABŞ-nin Vitse-prezidenti Cey Di Vensin ölkəmizə səfəri çərçivəsində imzalanması Azərbaycan – ABŞ əlaqələrini keyfiyyətcə yeni pilləyə qaldırıb. “Biz Sizə Cənubi Qafqazda sülh gündəliyinin təşviqi naminə göstərdiyiniz qətiyyətə görə də minnətdarıq. Vaşinqtonda şahidliyiniz ilə imzaladığımız üçtərəfli birgə bəyannamə, habelə Ermənistanla paraflanan Sülh və dövlətlər- arası münasibətlərin qurulması haqqında Saziş sülh quruculuğu yolunda Sizin ardıcıl səylərinizin nəticəsidir. Eyni zamanda biz Azərbaycan Respublikasının əsas hissəsi ilə Naxçıvan arasında maneəsiz bağlantını təmin edəcək və Orta Dəhlizin bir hissəsinə çevriləcək “Beynəlxalq Sülh və Rifah naminə Tramp Marşrutu”nu regionda dayanıqlı sülhün inkişafına və əməkdaşlığa növbəti töhfə olaraq görürük” – deyə məktubda vurğulanıb.
