DÖVLƏT GÖMRÜK KOMİTƏSİNİN SƏDRİNDƏN AÇIQLAMA
“AĞBƏND BURAXILIŞ MƏNTƏQƏSİ YAXIN VAXTLARDA İSTİFADƏYƏ VERİLƏCƏK”
Şərqi Zəngəzurda Ağbənd dövlət sərhədində buraxılış məntəqəsinin istifadəyə verilməsi üçün işlər davam etdirilir və yaxın vaxtlarda bu proses tamamlanacaq.
Bunu “Report” İnformasiya Agentliyi və “İctimai TV”yə müsahibəsində Dövlət Gömrük Komitəsinin sədri, gömrük xidməti general-polkovniki Şahin Bağırov bildirib.Onun sözlərinə görə, ölkənin tranzit potensialının genişlənməsi ilə paralel olaraq infrastrukturun da təkmilləşdirilməsi həyata keçirilir. Bu istiqamətdə müvafiq tapşırıqlar verilib. Artıq bir neçə keçid məntəqəsi müasirləşdirilib.Xanoba dövlət sərhədindən buraxılış məntəqəsi müasir standartlara cavab verən formada fəaliyyətə başlayıb. Cənub-Astara dövlət sərhədindən buraxılış məntəqəsi də müasir tələblərə cavab verir və onun genişləndirmə tədbirlərinin ikinci mərhələsi yekunlaşdıqdan sonra daha geniş imkanlar əldə olunacaq deyə Şahin Bağırov bildirib.
