“SEA BREEZE”DƏ TİKİNTİ APARAN ŞİRKƏT MƏHKƏMƏLİK OLDU
400 MİN MANATLIQ BANK HESABINA MƏHDUDİYYƏT QOYULUB
“Alpine Development” Məhdud Məsuliyyətli Cəmiyyətinin 400 min manatlıq bank hesabına məhdudiyyət qoyulub. Qaynarinfo.az- xəbər verir ki, şirkət Bakı şəhərinin Sabunçu rayonu, Kürdəxanı qəsəbəsində yerləşən “Sea Breeze” kurort və yaşayış kompleksində “Port d’Azur” yaşayış layihəsinin tikintisini həyata keçirir.Məlumata əsasən,şirkət tikinti xidmətlərinin göstərilməsi üçün “SB Development” MMC ilə 460 min manatdan çox podrat müqaviləsi bağlayıb. Müqaviləyə görə, həmin məbləğin 15 gün ərzində ödənilməsi nəzərdə tutulsa da, şirkət qarşı tərəfə cəmi 65 min 966 manat köçürüb.Qalan məbləği ala bilməyən “SB Development” məhkəməyə müraciət edib. Məhkəmədə qeyd edilib ki, hazırda “Alpine Development” -də təsisçi və rəhbərlik dəyişikliyi prosesi gedir. Bu vəziyyət görülmüş işlərin dəyərinin ödənilməməsi riskini artırır və iddiaçı şirkətin ciddi maliyyə itkiləri ilə üzləşə biləcəyi vurğulanıb.Məhkəmənin hökmü ilə “Alpine Development”ə məxsus bank hesablarında olan 394.666 min manat üzərinə həbs qoyulub.
