“ƏRDOĞAN OLMASAYDI, BU ZİRVƏ GÖRÜŞÜNƏ GƏLMƏZDİM”
TRAMP NATO SAMMİTİ ÜÇÜN ANKARADADIR
ABŞ Prezidenti Donald Tramp NATO sammitinə Türkiyədə keçirildiyinə görə qatıldığını bildirib.
“Report” xəbər verir ki, Tramp NATO ilə bağlı çox məyus olduğunu deyib.”Mən NATO ilə bağlı çox məyus olduğumu demişəm, Ərdoğan olmasaydı, bu zirvə görüşünə gəlməzdim. Ərdoğan çox güclü lider, çox güclü insandır. Bu sammitin Türkiyədə keçirilməsi həqiqətən də çox böyük hadisədir. Biz bu günədək NATO-ya trilyonlarla dollar sərmayə qoymuşuq. Nəyə görə? Avropa ölkələrini qorumaq üçün… Onları Rusiyadan qorumaq üçün. Amma onların da hansısa şəkildə bizə dəstək vermək üçün nəsə etmələri lazım idi”, – deyə Tramp qeyd edib. ABŞ Prezidenti Donald həmçinin Türkiyəyə “Lockheed Martin F-35 Lightning II” qırıcılarının satışı ilə bağlı qərarın hələ verilmədiyini, lakin bunun mümkün olduğunu bildirib.Ağ ev lideri bunu Türkiyə Prezidenti Rəcəb Tayyib Ərdoğan ilə keçirdiyi birgə mətbuat konfransında jurnalistin sualını cavablandırarkən deyib.ABŞ prezidenti bildirib ki, Vaşinqton bu məsələ ilə bağlı qərar qəbul edəcək.
