Almaniyanın nəhəng avtomobil istehsalçısı olan “BMW” konserni mühərrikin işə salınması sistemində aşkar edilən nasazlıq səbəbindən dünya üzrə 744 min 234 avtomobili geri çağırır.
“Bild” qəzeti xəbər verir ki, geriçağırılma kampaniyası çərçivəsində təkcə Almaniyada təxminən 42 min 300 avtomobil yoxlanılacaq. Geriçağırılma 2020-ci il iyulun 31-dən 2026-cı ilin fevralın 26-dək olan müddətdə istehsal edilən müəyyən BMW 2, 3, 4, 5, 6 və 7 seriyaları, X3, X4, X5, X6 və X7 modelləri, həmçinin Z4 rodsteri və i3 elektromobilini əhatə edir.Nasazlığın mühərrik starterindəki rele ilə bağlı olduğu bildirilir. Detalın aşınması nəticəsində yaranan çöküntülərin elektrik müqavimətini artıra, bu isə hissənin həddindən artıq qızmasına, qısaqapanmaya və ən pis halda avtomobildə yanğına səbəb ola biləcəyi qeyd olunub. İndiyədək bu nasazlıqla əlaqədar hər hansı xəsarət və ya maddi ziyanın qeydə alınmadığı bildirilib.
BMW bütün nasaz starterləri rəsmi servis mərkəzlərində ödənişsiz dəyişdirəcək və geri çağırılmaya daxil olan avtomobillərin sahiblərinə yazılı bildiriş göndərəcək.
