YENİ DÖVLƏT RÜSUMLARI MÜƏYYƏNLƏŞİR
MOPEDLƏRƏ GÖRƏ HANSI ÖDƏNİŞLƏR EDİLƏCƏK?
Azərbaycanda mopedlərin qeydiyyatı, texniki baxışı və digər xidmətlərlə bağlı yeni dövlət rüsumlarının tətbiqi təklif edilir.Milli Məclisdə müzakirə olunan qanun layihəsinə əsasən, mopedlərin illik texniki baxışına görə 15 manat dövlət rüsumu ödəniləcək.Bundan əlavə, moped sahibləri bir neçə xidmət üçün də ödəniş etməli olacaqlar.
- Qeydiyyata alınma və ya müvəqqəti uçota görə – 10 manat;
- Sürücülük vəsiqəsi almaq üçün imtahan – 40 manat;
- Təkrar imtahan – 20 manat;
- Sürücülük vəsiqəsinin verilməsi və ya dəyişdirilməsi – 30 manat;
- Dövlət qeydiyyat nişanı – 15 manat;
- Qeydiyyat şəhadətnaməsi – 30 manat.
Layihədə həmçinin qeyd olunur ki, mopedlər üçün icbari sığorta da tətbiq ediləcək. Bu sığorta moped sürücüsünün üçüncü şəxslərə vurduğu zərərin qarşılanmasını nəzərdə tutur.
Dəyişikliklər “Yol hərəkəti haqqında” qanuna edilən əlavələrin icrası ilə əlaqədar hazırlanıb.
