ABŞ-DƏ İNFLYASİYA SON 3 İLİN MAKSİMUMUNA ÇATDI

ABŞ-DƏ İNFLYASİYA SON 3 İLİN MAKSİMUMUNA ÇATDI
NEFT VƏ QAZIN KƏSKİN BAHALAŞACAĞI PROQNOZU VERİLDİ

2026-cı ilin aprel ayında Amerika Birləşmiş Ştatlarında inflyasiya tempi 3.8% səviyyəsində qeydə alınıb. Bu, təxminən son üç ilin ən yüksək göstəricisidir.ABŞ Əmək Nazirliyinin ixtisaslaşmış bölməsinin hesabatına əsasən, göstəricinin 3.8%-ə yüksəlməsi ilk növbədə energetika sektorundakı artımla, eləcə də ABŞ və İsrailin İrana qarşı apardığı hərbi əməliyyatların fəsadları ilə əlaqələndirilir.
Nazirliyin məlumatına görə, aprel ayında ABŞ-də benzinin qiyməti 5.4%, ümumi enerji daşıyıcılarının qiyməti isə 3.8% bahalaşıb.Beynəlxalq Valyuta Fondu hələ martın 30-da xəbərdarlıq etmişdi ki, regiondakı hərbi əməliyyatlar qlobal miqyasda qiymət artımına və iqtisadi artımın ləngiməsinə səbəb olacaq. Təşkilatın açıqlamasında bildirilir ki, davamlı münaqişə neft və qazın kəskin bahalaşması ilə nəticələnə bilər. Bu isə enerji idxalından asılı ölkələr üçün ciddi iqtisadi çətinliklər yaradacaq.