“CHEVROLET COBALT” AZƏRBAYCANDA İSTEHSAL OLUNACAQ

“CHEVROLET COBALT” AZƏRBAYCANDA İSTEHSAL OLUNACAQ
84 MİLYON DOLLARLIQ ZAVODUN TİKİNTİSİNƏ START VERİLDİ

Özbəkistan Azərbaycanda tam istehsal dövriyyəsinə malik avtomobil zavodunun tikintisinə başlayır.Report xəbər verir ki,
bu barədə Özbəkistanın investisiya, sənaye və ticarət nazirinin müavini Xurram Teşabayev bildirib.
Ümumi dəyəri 84.3 milyon ABŞ dolları olan bu layihəni “Azermash CP” və “Uzavtosanoat” SC şirkətləri həyata keçirir.
Artıq əsas hazırlıq işləri başa çatdırılıb və yeni istehsal kompleksində, xüsusən də, “Chevrolet Cobalt” modelinin istehsalı təşkil olunacaq.
Müəssisənin 2027-ci ilin ortalarında istismara verilməsi planlaşdırılır.Nazir müavinin sözlərinə görə, Hacıqabuldakı avtomobil istehsalı layihəsi Özbəkistan və Azərbaycan arasında sənaye əməkdaşlığının ən uğurlu nümunələrindən biridir.”2022-ci ildə “Chevrolet” avtomobillərinin və “Isuzu” avtobuslarının iriqovşaqlı yığımına başlanılması bu əməkdaşlığın yüksək potensialını təsdiqləyib və layihənin gələcək inkişafı üçün möhkəm zəmin yaradıb.
Hazırda layihənin növbəti mərhələsinə – tam istehsal dövriyyəsinə malik zavodun tikintisinə start verilir.
Qeyd edək ki, bu günədək Hacıqabulda fəaliyyət göstərən müəssisədə doqquz mindən çox avtomobil yığılıb.